2021թ․ մայիսի 22-ին Ամերիկյան հետազոտությունների հայկական կենտրոնը Հայաստանում ԱՄՆ դեսպանության ֆինանսական աջակցությամբ կազմակերպեց «Հայ-ամերիկյան  քաղաքագիտական առաջին ֆորում»-ը։

Ֆորումը  նվիրված էր Հարավային Կովկասի տարածաշրջանային անվտանգության հարցում ԱՄՆ դերին և տարածաշրջանում Թուրքիայի դերին, հայ-թուրքական հարաբերություններին, ինչպես նաև դրանց ապագային։ Ֆորումը ունեցավ հիբրիդային ձևաչափով․ ներկա էին հայաստանյան փորձագետներ, իսկ ԱՄՆ փորձագետները միացան տեսաուղերձների միջոցով։ 

 Ֆորումի ընթացքում հրավիրված փորձագետները քննարկեցին ԱՄՆ նոր վարչակազմի քաղաքականությունը Հարավային Կովկասի և Հայաստանի նկատմամբ, հայ-ամերիկյան հարաբերությունների ներկան և ապագան, հարաբերությունների խորացման հնարավորությունները, ինչպես նաև ԱՄՆ հնարավոր դերակատարությունը տարածաշրջանային անվտանգության համակարգում և հայ-թուրքական հարաբերությունների կարգավորման համատեքստում։